Auto moto
27.11.2023.
19:05
Automobili s vraćenom kilometražom mogu koštati i 21% više od svoje prave vrijednosti
Izvor: carVertical
0
Foto: pixabay
Tržište polovnih automobila suočava se s problemima transparentnosti budući da mnoga vozila imaju izmijenjenu kilometražu. Poslednje istraživanje carVerticala otkrilo je da automobil s vraćenom kilometražom može koštati i 21 % više od njegove prave vrijednosti.
Cijena automobila s vraćenom kilometražom varira zavisno od države
Vozači preferiraju automobile s manjom kilometražom, očekujući da će biti u boljem stanju i da neće zahtijevati velike popravke. Može biti teško pronaći kupca za automobil s velikom kilometražom, osim ako je cijena znatno niža. Zbog toga prodavci sa lošim namjerama vraćaju kilometražu automobila, čime "naduvavaju" njegovu cijenu i ostvaruju više profita.
Automobili s izmijenjenom kilometražom u prosjeku se prodaju za nevjerojatnih 21 % više. To znači da vozači mogu platiti i za petinu više nego što vozilo zapravo vrijedi, i tako gube hiljade evra.
Najgora je situacija u Ujedinjenom Kraljevstvu (29 %), Italiji (29 %) i Litvaniji (25 %), gdje je prosječni porast ovih vrijednost najveći među 15 ispitanih zemalja.
Ukrajina (17 %), Poljska (19 %) i Rumunija (20 %) nalaze se na drugoj strani spektra. No, to su i dalje visoki brojevi koji ukazuju na to da ove prakse možda neće tako skoro izgubiti svoju popularnost.
Uticaj prevare na brojaču kilometara na vrijednost automobila prema godini proizvodnje
Što je automobil noviji, to je veći gubitak
Kada je u pitanju lažiranje brojača kilometara, starost automobila usko je povezana s potencijalnim finansijskim posledicama za kupca. Vrijedi napomenuti da ovakva obmana, u slučaju 15-godišnjeg automobila s lažnom kilometražom, može povećati vrijednost vozila za prosječno 27%.
Konkretno, za svakih 100.000 kilometara skinutih sa brojača, kupac može nesvjesno preplatiti približno 2.000 evra. Dakle, ako brojač kilometara pokazuje 200.000 kilometara umjesto stvarnih 400.000, to potencijalno može značiti da će kupac na takvo vozilo potrošiti i do 4.000 evra više.
Iako se ovo povećanje cijene može činiti drastičnim za model iz 2008. godine, ove se vrijednosti izračunavaju na platformi carVertical, gdje korisnici obično više provjeravaju luksuzna vozila, a manje automobile ekonomske klase.
„Što je skuplji automobil s vraćenom kilometražom, to će kupac na kraju izgubiti više novca. To naglašava važnost provjere istorije vozila prije kupovine. Inače bi moglo biti prekasno, a povrat novca od prodavca može biti komplikovan”, kaže Matas Buzelis, stručnjak za automobile i menadžer komunikacija u carVerticalu.
Vraćena kilometraža različito utiče na različite marke automobila
Različite marke automobila drugačije reaguju na vraćanje kilometraže: porast cijene može se kretati od 15% za Mazdu i Daciu, i do 27% za vozila Land Rover.
Vozači bi mogli potrošiti i do 2.000 evra više za svakih 100.000 vraćenih kilometara pri kupovini automobila marke Dacia. Međutim, druge marke mogu donijeti još veće finansijske gubitke.
Kupci Renaulta mogu izgubiti i do 2.300 evra na svakih vraćenih 100.000 kilometara, kupci Opela – 2.200 eura, a kupci Škode – 4.200 evra. Svakih 100.000 vraćenih kilometara najviše će koštati kupce premium vozila: Audija (6.000 evra), Volkswagena (4.500 evra), BMW-a (7.000 evra) i Mercedes-Benza (10.600 evra).
Vraćanje kilometraže može značajno uticati na vrijednost automobila, a određene marke automobila i godišta dolaze s izraženim finansijskim gubicima. Za kupce sprovođenje temeljite provjere istorije vozila ostaje vitalan korak u zaštiti od potencijalno skupih grešaka povezanih sa lažiranjem brojača kilometara.