Esej je naslovljen “Moje iskustvo s kovidom-19”.

– Čim smo saznali da smo zaraženi, prvo sam pomislila na sina – priznala je.

Kako je otkrila, Baron je najprije bio negativan, ali je poslije nekoliko dana ponovno testiran i tada se pokazalo da je zaražen.

– Srećom, Baron je snažan tinejdžer i nije imao nikakve simptome. Na jedan način bilo mi je drago što smo nas troje prošli kroz ovo istovremeno jer smo mogli da se brinemo jedni o drugima i da provodimo vrijeme zajedno. U međuvremenu je i on postao negativan – napisala je Melanija.

Poznato je da Melanija želi da sina zaštiti od pažnje javnosti pa nije nimalo čudno što ga javnost nije vidjela od kraja avgusta.

Kako je rekla, njeni simptomi nisu bili mnogo opasni.

– Imala sam veliku sreću jer je moja dijagnoza došla sa minimalnim simptomima, iako su me pogodili odjednom i činilo se da je danima kasnije trajao taj tobogan smrti sa simptomima. Iskusila sam bolove u tijelu, kašalj i glavobolju i većinu vremena sam se osjećala izuzetno umorno. Riješila sam da krenem prirodnijim putem u medicinskom smislu, odlučujući se više za vitamine i zdravu hranu. Oko sebe smo imali divne njegovatelje i zauvijek ćemo biti zahvalni na medicinskoj njezi i profesionalnoj diskreciji koju smo dobili od doktora Konlija i njegovog tima. Bio mi je nepoznat osjećaj da budem pacijent, umjesto osobe koja pokušava da podstakne našu naciju da ostane zdrava i bezbjedna. O meni se sada brinu i stičem iskustvo iz prve ruke sa svim onim što kovid-19 može da uradi – navela je ona, prenosi Index.hr.