Potraga za nestalom Dankom Ilić (2) iz Bora ušla je u sedmi dan, a najnoviji trag koji se analizira i provjerava jeste snimak iz Beča na kome se nalazi djevojčica koja liči na Danku. Bečka policija pokrenula je odmah istragu, a cijela nacija sada čeka da provjera pokaže ko je dijete sa snimka.

 

"Sigurno je to da se Danka ne nalazi na terenu koji je pretražen. Mnogo je toga nejasno. Kako se dijete tu našlo, kako se izgubilo, kako je moguće da nije bilo auta i slično. To su pitanja na koja nemam odgovor. Teren je detaljno pretražen, neko nešto mora da zna. Ovo je unapred planirano, unaprijed smišljeno. Taj uzrast od dvije godine je ključan, mjesto nestanka je čudno, sve nagovještava da je morao da postoji plan da se ovako nešto desi", izjavio je Igor Jurić.