Regija
24.01.2022.
19:09
OČI KOPAM DA MUŠKARCA VIŠE NE VIDIŠ U ŽIVOTU Nasilniku koji je brutalno oslijepio ženu povećana kazna
Izvor: Agencije
0
Foto: Res
Nasilniku Đ. R. iz Velike Plane izrečena je i mjera zabrane približavanja i komunikacije sa žrtvom na udaljenosti manjoj od 500 metara, pristup mjestu gde ona stanuje i radi, kao i dalje uznemiravanje i svaka komunikacija na tri godine
Apelacioni sud u Beogradu povećao je za dvije godine kaznu zatvora Ð. R. (59) iz Velike Plane i pravosnažno ga osudio na 10 godina zatvora, jer je prošle godine u februaru u pijanom stanju brutalno potpuno oslijepio vanbračnu suprugu u njihovom domu.
Tom odlukom sud je preinačio prvostepenu presudu Osnovnog suda u Velikoj Plani zbog krivičnog djela nasilje u porodici kojom je bio osuđen na osam godina zatvora, piše Tanjug.
Kazna od 10 godina zatvora je maksimalna zakonom zaprijećena kazna za krivično djelo nasilje u porodici, naveo je Apelacioni sud u odluci koja je danas objavljena. Nasilniku je izrečena i mjera zabrane približavanja i komunikacije sa oštećenom ženom na udaljenosti manjoj od 500 metara, pristup mjestu gdje ona stanuje i radi, kao i dalje uznemiravanje i svaka komunikacija na tri godine.
Oslijepljena žena je radi ostvarivanja svog imovinsko-pravnog zahtjeva upućena na parnicu.